Lëvizja Socialiste për Integrim ka reaguar lidhur me vendimin e Komisionit Qëndror të Zgjedhjeve që iu hoqi mandatet 2 deputetëve Dashamir Tahiri dhe Shkëlqim Selami si dhe kryebashkiakut të Kavajës Elvis Rroshi.
Nëpërmjet nënkryetarit Luan Rama, LSI ka mbështetur sot qëndrimin e KQZ-së.
“Procesi i dekriminalizimit të kthejë besimin qytetar tek politika. LSI inkurajon institucionet për zbatimin e ligjit te dekriminalizimit. LSI e vendosur të krijojë në politikën shqiptare standarde euroamerikane të angazhimit në politikë”, u shpreh Luan Rama.
Sipas tij, “ligji për dekriminalizimin, reforma në drejtësi dhe reforma zgjedhore duhet të bëjnë të mundur që në zgjedhjet e 18 qershorit 2017 qytetarët shqiptarë të kenë mundësi të zgjedhin më të mirët mes më të mirëve të politikës me qëllim që politika të garantojë integritet, ndershmëri, transparencë dhe shërbim ndaj qytetarëve dhe interesave të vendit”. (A.R/SHUPLAKA)
