Sekretari Ndërkombëtar i LSI Ralf Gjoni ka reaguar pas deklaratës së kryeministrit Edi Rama që e cilësoi shokuese intervistën e Presidentit të zgjedhur Ilir Meta për televizionin grek.
Ai ka thënë se Rama krijon problem inekzistente me fqinjët. Sulmin ndaj Metës e ka konsideruar si një sulm ndaj njeriut që është i interesuar për stabilitetin e Shqipërisë.
Ai ka reaguar ashpër duke thënë se Rama duhet shporrur nga Shqipëria dhe nga Ballkani.
DEKLARATA:
Z. kryeministër në detyrë: Shokues statusi juaj për personalitetin me stabël politik të Shqipërisë, veçanërisht në lidhje me marrëdhëniet e mira me të gjithë fqinjët tanë. Turp sot në 2017 është t’i besh thirrje policisë të shkelë ligjin që të mbledhë vota për Rilindjen. Rama le t’i urdhërojë mediat e tij ta japin të plotë intervistën e Metës për tv grek që të kuptojnë të gjithë se është Rama që gënjen e jo Meta që shan.
Në cilësinë e Sekretarit Ndërkombëtar të LSI dëshiroj të konfirmoj se sa here LSI dhe z. Meta ka kontribuuar per forcimin e marrëdhënieve te fqinjësisë se mire ne rajonin tone turbulent, Shefi i Rilindjes gjithnjë ka gjetur mënyra për t’i prishur ato e për te shkatërruar frymën e bashkëpunimit me fqinjët.
Shqiptaret e kane te qarte se sa here ka skandale te brendshme Rama shpik probleme inekzistente e populiste me fqinjët per te devijuar vemendjen. Tipik edhe ky rast me Greqinë. Turp sot është prishja e standardeve te zgjedhjeve nga Rama dhe cenimi i imazhit te nje vendi anëtar te NATO-s si Shqipëria ne raport me fqinjët dhe mbare boten demokratike.
Ndaj kjo e keqe e madhe duhet shporrur me voten e lire nje here e mire jo vetem nga Shqipëria, por sa me larg rajonit te Ballkanit, i cili mjaft është helmuar prej politikaneve te papërgjegjshëm populiste, qe për nje interes te vogël timoni janë gati te djegin vendin e tyre e çdo gjë te mire qe kemi ndertuar me fqinjet tane.(B.H/Shuplaka)
Discussion about this post