Moderatorja Fiori Dardha, mbrëmjen e sotme ka shprehur vlerësimin e saj për deputeten e LSI-së Monika Kryemadhin, e cila mbrëmjen e sotme ishte e ftuar në emisionin “5 Pyetjet nga Babaramo”, ku foli për situatën politike, por mbi të gjitha për LSI-në dhe Presidentin e ri Ilir Meta, i cili është njëkohësisht bashkëshorti i saj.
Dardha ka publikuar një fotgrafi në instagram, ku shihet e buzëqeshur përkrah Kryemadhit.
“LSI ka ende imazhin e Ilir Metes, por shpirtin e ka te Monika Kryemadhit!
@monika.kryemadhi ky eshte mendimi im personal!”, shkruan Fiori krahas fotos.
Mbrëmjen e sotme, e pyetur nga Babaramo nëse ajo e ka konsideruar ndonjëherë natyrën e qetë të Metës si një këmishë force që nuk e lë të zhvillohet në politikë, Kryemadhi tha se nuk e kishte menduar ndonjëherë kështu.
“Nuk e kam cilësuar si një këmishë force. Sigurisht që edhe mund të them që edhe më ka pëlqyer, ashtu siç mund të them që nuk më ka pëlqyer. Mund të kem dashur të bëj gjëra shumë më revolucionare, apo agresive, ose deklarata shumë më të forta sa i përket qëndrimeve politike… Për shembull kur ka qenë çështja e Ligjit për Arsimin e Lartë. Kur kemi bërë ballafaqimin me maturantët, të cilët nuk patën të drejtën për të shkuar në shkollë. Ilir Meta ka qenë një nga njerëzit që na ka trysnuar në kuptimin e mirë të fjalës.
Nuk mbahen mend të gjitha, sepse ka shumë gjëra në jetën e përditshme tonën sa prioritet fillojnë dhe humbasin. Por sigurisht që Ilir Meta ka ndikuar si për mirë ashtu edhe për keq.” deklaroi deputetja. (D.D/Shuplaka)
Discussion about this post