Zëvendëskryetarja e LSI-së Monika Kryemadhi, e ftuar në rubrikën “Opinion” me gazetarin Bledian Koka, u është përgjigjur deklaratave të kryeministrit Edi Rama dhe ish-ministrit të Brendshëm Saimir Tahiri se “LSI është një makinë me dy timona”.
“Kjo histori po më duket si një histori makinash, apo nga ato që shkëmbejmë ne me telefona. Së pasi do i sugjeroja Ramës që së pari të marrë lejen e drejtimit makinës dhe të mësojë se si drejtohet.
Është bërë qesharake, që edhe Tahiri përmendte makinën, por do thoja që atij nuk i duhet leja e drejtimit por ka problem me pronësinë e makinës të përdorur nga trafikantë të drogës.”, tha Kryemadhi.
Kujtojmë se pak ditë më parë Sajmir Tahiri nga Petrela bashkë me kreun e Bashkisë Erion Veliaj teksa prezantuan kandidatët për deputetë, Xhemal Qefalia dhe Azbi Arapi, pohuan se makinë me 2 timonë nuk mund të ketë. Një thumb ky për LSI-në. (D.D/Shuplaka)
