Kreu i LSI-së Monika Kryemadhi gjatë mbledhjes së Grupit Parlmentar ka deklaruar se kjo parti në 4 vitet e ardhshme do të jetë më vigjilent se kurrë, do të bëjë opozitën e vërtetë.
“Detyra e Grupit Parlamentar është një nga detyra më të rëndësishme që na është dhënë. Kjo rrit përgjegjësinë dhe anagazhimin tonë. Sistemi zgjedhor që deputeti është përfaqsuesi i një qarku nuk do ta kemi kështu, por deputeti duhet të jetë i anagazhuar në të gjitha problematikat dhe të gjitha situatën që do të krijohet në vend. Kemi një politikë të vogël që synon një korrupsion të madh. LSI i ka ofruar vendit një stabilitet, ne këtë inisiativë do ta kemi edhe më tutje. Ne kemi pasur si synim Integrim Europian. Grupi Parlementar do të votojë çdo politikë që ka për synim Integrimin Europian. Do të ndjekim çdo iniciativë që ka të bëjë më zhvillimin ekonomik, politik, social.
Do të mbajmë një qëndrim të jashtëzakonshëm për jetën parlamentare, do të jemi shumë vigjilentë për çdo iniciativë që fle në sirtarët e kuvendit. Siç është ajo e koncesionve, që nuk ka lëvizur nga komisioni ekonomik. Mungesat tona do të jenë të patolerueshme. Për këtë çdo ditë do të jemi në kontakt me Kryetarin e Grupit. Dua të theksoj që nuk ka asnjë lloj dileme. Ne si parti i kemi synimet shumë të qarta, do të kemi një opozitë të vërtetë. Policia e Shtetit ka qenë bashkë më bandat për drogën dhe blerjen e votës. Do të cojmë më tutje çdo qëndrim politik. Opozita po kërkohet të blihet , të asimilohet çdo ditë edhe më shumë. Ne jemi këtu për të pasur një ngjyrë në jetën politike shqiptare.”, u shpreh Kryemadhi. (J.V/Shuplaka)
