Kreu i LSI-së Monika Kryemadhi ka mbledhur kryesinë e kësaj partie dhe ka deklaruar që LSI përfaqëson shumicën në parlament dhe se do bëjë opozitën e vërtetë në 4 vitet e ardhshme.
“Menduam sot të mbledhin Kryesinë e madhe dhe duhet të kemi parasysh që kemi nisur një sezon të ri politik me rastin e konstituimit të kuvendit në datën 9 shtator i cili nis dhe fillimin e legjislaturës së re në 4 vitet e ardhshme. Është detyra e kësaj kryesie për të udhëhequr dhe anagazhuar të gjitha forumet të LSI-së në të gjithë vendin dhe për të përmbushur me sukses rolin e LSI-së si një forcë e vërtetë opozitare në një moment mjaft kritik për demokracinë dhe të drejtat e qytetarëve.
Është detyra dhe përgjegjësia jonë që t’i japim një fillimin të veprimit opozitar në vend. Ne tani i kemi të gjitha mundësitë për ta bërë më së miri këtë punë. Sot LSI është më e fortë se asnjëherë ku në 25 qershor për t’i dhënë një pushtet të plotë oligarkisë deri në kapjen e çdo qelize edhe në insitucionet e vendit.
LSI tregoi qëndrueshmëri, rritje dhe vitalitet dhe jemi me të gjitha potencialet për të qenë një opozitë me integritet për ballë një mazhorancë që ka dalë nga zgjedhje të shëmtura . Ne përfaqësojmë shumicën dhe jo pakicën në parlament.”, u shpreh Kryemadhi.
(J.V/Shuplaka)
Discussion about this post