Pas dorëheqjes së Petrit Vasilit nga posti i kryetarit, Lëvizja Socialiste për Integrim do të mbledh sot në orën 18:00 Konventën Kombëtare Zgjedhore.
“Lëvizja Socialiste për Integrim zhvillon ditën e mërkurë, më datë 5 korrik Konventën Kombëtare Zgjedhore. Konventa starton në orën 18:00 e do të mirëpresë delegatët e LSI nga e gjithë Shqipëria për të zgjedhur Kryetarin dhe Zv.Kryetarin e ri të partisë”, thuhej në njoftimin e LSI-së pak ditë më parë.
Sjellim në vëmendje që Stë Vasilit është propozuar Monika Kryemadhi, e cila aktualisht mban postin e nënkryetares të kësaj partie.
Ilir Meta dha dorëheqjen nga posti i kryetarit të LSI-së pas zgjedhjes President i Republikës, ndërsa pas tij u zgjodh Petrit Vasili kryetar dhe e drejtoi LSI-në për dy muaj.
“Dorëheqja ime bëhet për çështje organizative në mënyrë që LSI-ja të jetë më aktive në opozitë”, u shpreh Vasili kur dja dorëheqjen.
Kujtojmë se rezultati i LSI-së ishte më i mirë se ai i katër viteve më parë duke marrë 19 mandate deputetësh, po mesa duket pritshmëritë e kësaj force kanë qenë më të larta. (J.V/Shuplaka)
