Lëvizja Socialiste për Integrim ka zhvilluar një takim sot me të rinjtë e Kavajës. Të pranishëm në këtë aktivitet ishte Sekretari i Përgjithshëm i LSI-së Endrit Braimllari dhe Kandidati i LSI për kryetar të Bashkisë Kavajë Maksim Kona.
Gjatë fjalës së tij, Sekretari i Përgjithshëm i LSI-së, Endrit Braimllari tha se LSI është krenare për përfaqësimin e saj me Maksim Konën, i cili sipas tij do të dalë fitues në garën për kryetar të Bashkisë së Kavajës.
“Jemi krenar për përfaqësimin tonë me Maksim Konën në Kavajë. Së bashku ne do ta fitojmë Bashkinë e Kavajës dhe LSI do të dalë e para në Kavajë. LSI është forca politike e njerëzve të përgjegjshëm që marrin vendime në shërbim të qytetarëve. Ka ardhur koha që Kavaja të përfaqësohet me njerëz serioz, të mirë arsimuar, profesionist dhe me integritet”,- u shpreh Braimllari.
Në fjalën e tij, kandidati për Kryetar të Bashkisë së Kavajës, Maksim Kona u shpreh se do të punojë për të ndërtuar projekte zhvillimi për Kavajën në mënyrë që të ketë vende të reja pune.
“Do krijojmë më shumë shanse për të rinjtë sepse besojmë tek të rinjtë e Kavajës si një fuqi transformuese”,- tha Kona.
(M.D/Shuplaka)
Discussion about this post