Në komisionin e Ekonomisë është vendosur shtyrja e vendimit për shkarkimin e drejtoreshës së Autoritetit të Mbikqyrjes Financiare Enkeleida Shehu. Shkak për këtë shtyrje është bërë mosprania në Komison e deputetëve të PD-së dhe LSI-së.
Enkeleida Shehu është bashkëshortja e deputetit demokrat Dashamir Shehi.
Kërkesa e depozituar për shkarkimin e Shehit:
Anëtarët e bordit të Autoritetit të Mbikëqyrjes Financiare (AMF) kanë depozituar në Kuvend një kërkesë zyrtare ku kërkojnë shkarkimin nga detyra të drejtoreshës së AMF-së, Enkeleda Shehi, bashkëshortes së deputetit Dashamir Shehi.
Në shkresën që mban datën 22 shkurt, të zbardhur nga “Scan Tv”, bashkangjitur vendimit përcaktohen edhe arsyet e kësaj kërkese argumentuar kryetarit të Komisionit të Ekonomisë, Erjon Braçe.
“Bordi i Autoritetit të Mbikëqyrjes Financiare në mbledhjen e datës 21 shkurt 2017 shqyrtoi përputhshmërinë ligjore të veprimtarisë së Drejtorit të Përgjithshëm Ekzekutiv dhe vendosi t’i propozojë Kuvendit të Shqipërisë lirimin e znj.Enkeleda Shehi nga detyra e anëtarit të Bordit, në funksionin e Drejtorit të Përgjithshëm Ekzekutiv të AMF”, citohet në letër.
Shkak janë bërë përplasjet mes kreut të AMF-së dhe anëtarëve të bordit, të dukshme prej vitit të kaluar për shkak të rekrutimeve brenda institucionit. (E.K/SHUPLAKA)
