LSI nuk merr pjesë në zgjedhjet për bashkinë e Kavajës

Lëvizja Socialiste për Integrim, nuk do të marrë pjesë në zgjedhjet për Bashkinë e Kavajës.

Sipas një portali online në zgjedhjet për Bashkinë e Kavajës, forca politike LSI nuk ka pranuar të regjistrohet në KQZ dhe as ka ndërmend të marrë pjesë në fushatë me asnjë parti politike.

Duhet të theksojmë që sot KQZ ka miratuar regjistrimin e kësaj force në zgjedhjet e përgjithshme të 18 qershorit.

LSI është një subjekt politik që do të garojë për zgjedhjet parlamentare, ndërsa partitë opozitare nuk kanë vendosur ende. Afati për regjistrimin e partive në KQZ është 18 prilli.

Prej datës 18 shkurt, kur edhe nisi protesta e pandalshme e Partisë Demokratike me kërkesën për qeveri teknike si kusht për hyrjen në zgjedhje, hipoteza të ndryshme u ngritën në korridoret e politikës lidhur me qëndrimin që do të mbante LSI-ja.

(J.V/Shuplaka)