Këtë të shtunë, Lëvizja Socialiste për Integrim do të organizojë Konventën Zgjedhore të këtij grupi në Tiranë.
Kjo konventë ishte parashikuar të mbahej më 5 shkurt, mirëpo homazhet për shkrimtarin e madh Dritëro Agolli që u zhvilluan në të njëjtën darkë, u bënë shkak për ndryshim planesh.
Ky aktivitet do të zhvillohet në Pallatin e Kongreseve dhe do të nisë rreth orës 10:00. LSI bën me dije se në konventë do të marrin pjesë plot 2301 delegatë, nga të gjitha njësitë në kryeqytet. Nga 256 kandidatët për Komitetin Drejtues të LSI Tiranë, do të përzgjidhen vetëm 179 anëtarët.
Për procesin e votimit do përdoret metoda elektronike, i cili do të nxjerrë edhe Kryetarin e LSI-së për kryeqytetin. (D.D/Shuplaka)
Discussion about this post