IPR Marketing ka publikuar rezultatet e sondazhit të parë për zgjedhjet dhe sipas tij, nëse qytetarët e Tiranës do të votonin sot, Partia Socialiste do të fitonte zgjedhjet në këtë qark që ka 34 mandate deputetësh.
Sipas sondazhit, Partia Demokratike renditet e dyta me 33%, Lëvizja Socialiste për Integrim e treta me 14.0%. Elektorat ka krijuar edhe partia e re e Blushit, LIBRA, me 6%, ndërsa Sfida e Gjergji Bojaxhiut ka marrë 1.5%, raporton Oranews.
Por pas publikimit të sondazhit ka reaguar kandidatja e LSI për deputete në qarkun e Beratit Silva Caka me anë të një postimi në rrjetet sociale.
Kandidatja e LSI-së injoron sondazhin duke e quajtur qesharak dhe si një film të parë dhe të riparë nga shqiptarët. Sipas saj, Lëvizja Socialiste për Integrim do të jetë forcë e parë dhe këtë nuk e ndryshojnë dot sondazhet.
“Sondazh konsensual
Është një film i parë dhe i riparë nga shqiptarët.
Sondazh po aq qesharak sa në 2013-n.
Lëvizja Socialiste për Integrim do të jetë forcë e parë dhe këtë nuk e ndryshojnë dot sondazhet konsensuale plot humor.”Shkruan Caka. (S.SH/Shuplaka)
–
Discussion about this post