LSI sfidon Ramën për lojërat e fatit, Vasili: Ta sjellë ligjin në janar, ne do të jemi pro të gjithë

Lëvizja Socialiste për Integrim është shprehur sot pro ligjit për mbylljen e  lojërave të fatit. Sipas fjalës së kryetarit të grupit parlamentar Petrit Vasili, Rama mund ta sjellë ligjin në Kuvend që nga Janari dhe deputetët e LSI-së do ta votojnë të gjithë pa përjashtim.

Vasili shpreh bindjen nga ana tjetër se deri në Janar kryeministri Rama do të ketë arritur të bindë të gjithë deputetët e grupit të tij parlamentar të votojnë pro këtij ligji. 

”Bixhozi kjo sëmundje e rëndë shoqërore e ka të qartë shërimin dhe çrrënjosjen. Problemi është shumë i thjeshtë për sa i takon LSI. Kryeministri mund ta sjellë ligjin për mbylljen e bixhozit që në seancën e parë të janarit. Të gjitha votat e grupit të LSI do të jene pro mbylljes”, theksoi ai. (E.K/SHUPLAKA)