Pas konferencës së djeshme, ku kreu i Kuvendit Ilir Meta paralajmëroi se nëse do të ketë vota të prekura do të bllokojë dekretimin e kryeministrit dhe ministrave, Lëvizja Socialiste për Integrim është futur në veprim konkret.
Luan Rama, nënkryetari i LSI-së tha sot se bashkë me Petrit Vasilin, Klajda Gjoshën e Ralf Gjonin kanë takuar ambasadorët e Shteteve të Bashkuara, BE-së dhe OSBE-së ku u kanë bërë me dije tre shqetësimet e tyre të mëdha.
”Objekti i këtij takimi ishte informimi i ambasadorëve të nderuar me situatën politike në vend dhe zhvillimet elektorale duke u ndalur në tre episode dominante.
Duke u shpjeguar atyre veprimet arbitrare të kundraligjshme të TASK-FORCËS në përpjekje për të trembur dhe kundërshtuar dhe bërë presion, ka nisur një fushatë spastrimesh në administratën publike, gjë e dokumentuar me dhjetra raste ç’ka është parathënie e një tentative për të kontaminuar dhe deformmuar parimet e ligjit në funksion të zgjedhjeve.”, theksoi Luan Rama.
Luan Rama thotë se policia po lë jashtë vëmendjes njerëz me precedentë penalë për t’i përdorur si pjesë të stafeve politike të PS në zgjedhjet e 25 qershorit.
”E ka shndërruar këtë institucion në një Gestapo politike që përndjek në mënyrë abuzive punonjës e administratës publike në të gjitha nivelet.
Shpërdorimin apo keqpërdorimin politik të strukturave të Policisë së Shtetit, e foksuar te përndjekja politike në mënyrë të veçantë e veprimtarëve, simpatizantëve, e kandidatëve për deputetë dhe anëtarëve të LSI-së, ka lënë jashtë vëmendjes grupe kriminale, njerëz me prezedentë kriminalë, tëmbajtur nën sqetull apo të liruar nga burgu kohët e fundit për t’i përdorur si pjesë të stafeve politike në mënyrë të veçantë si pjesë e stafeve të Partisë Socialiste në zgjedhjet e 25 qershorit.
Rasti skandaloz në Berat, me administratorin e Njësisë 2, i relatuar në prokurori për një çështje të hetuar më parë në 2013, rasti i Lezhës, apo edhe informacione të detajtuara edhe për veprimtari kriminale të grupeve, në përpjekje për të motivuar në mënyrë të paligjshme të grupeve kriminale.
Një pjesë e mirë e këtij informacioni na ka ardhur nga vetë punonjës të policisë në detyrë, me vetëdije qytetare, profesionale dhe kurajo kanë rerfuzuar të bëhen pjesë e këtyre grupimeve për të përndjekur LSI, na kanë informuar që struktura policiore, kanë devijuar për të lënë hapësira të lira të grupeve kriminale për të terrorizuar qytetarët.
Vendimi i fundit i KQZ për numëruesin që në zbatim të Kushtetututës dhe Kodit Zgjedhor, i takonte LSI për të mos u hedhur në short në një parti tjetër pasi vetë KQZ e ka të përcaktuar qartë.”, tha Luan Rama. (V.G/SHUPLAKA)
Discussion about this post