LSI vazhdon takimet me maturantët: Lehtësi dhe jo probleme për të shkuar në shkollë të lartë
Lëvizja Rinore për Integrim ka vijuar takimet me gjimnazistët lidhur me Maturën Shtetërore. Në fjalën e saj, kryetarja e LRI-së, Floida Kërpaçi, garantoi se struktura që ajo drejton, po punon për një maturë gjithëpërfshirëse, e cila jep shanse të barabarta për të gjithë.
Ajo u shpreh se Lëvizja Rinore për Integrim do të vazhdojë ta ndjekë këtë çështje të Maturës Shtetërore derisa t’i japë zgjidhje, që të jetë një proces i qetë dhe pa probleme.
“Unë ju garantoj diçka: ju garantoj që ne si LRI do të vazhdojmë ta ndjekim këtë çështje të maturës shtetërore derisa ajo të japë zgjidhje, derisa ajo të jetë një proces i qetë, e të jetë një proces që t’ju krijojë lehtësi për të shkuar në shkollë të lartë, e jo për t’ju krijuar probleme.
Ne si LSI po punojmë shumë fort për të patur një arsim më të mirë për të gjithë ju, sepse normalisht arsimi është e ardhmja e çdo të riu dhe vendi ynë duhet të ketë të rinj akoma dhe më shumë profesionistë, që i sjellin dhe një vizion të ri vendit tonë, kështu që jemi duke punuar shumë fort për një program, i cili sjell një arsim më të mirë, por edhe për një program që sjell punë, por punë të paguara edhe më mirë”, – tha ndër të tjera Kërpaçi.
(XH.A/SHUPLAKA)
Discussion about this post