Kreu i Partisë Republikane, Fatmir Mediu ka zbuluar disa detaje të cilat deri më tani nuk ishin bërë të ditura për publikun, lidhur me takimet e kreut të opozitës Lulzim Basha me ambasadorin amerikan Donald Lu, në kuadër të negociatave me kryeministrin Rama.
I ftuar në emisionin “Tonigt Ilva Tare”, Mediu zbulon një deklaratë të Lu-së gjatë negociatave, kur ai ka thënë se po e nxjerrin pa i dhënë as një gjysmë gote ujë.
“Ambasadori Lu është një negociator shumë i mirë. I jashtëzakonshëm. Elementët e presionit kanë qenë brenda. Ambasadori Lu i përdori të gjithë elementët e presionit deri tek një qëndrim i hapur i Departamentit Amerikan të Shtetit kundër opozitës nëse nuk do të pranonte propozimin e Ramës në qoftë se ne nuk do të pranonim.
Ne kishim marrë një garanci. Roli ka qenë i jashtëzakonshëm. Ka një shprehje të fundit të ambasadorit Lu, po e nxjerr. I kërkoj ndjesë. Ore na tha: Po më nxirrni pa më dhënë gjysmë gote ujë. Z. Basha i tha se të kemi dhënë një lumë të tërë. Të kemi dhënë mbështetje totale për paketën e propozuar.”, deklaroi Mediu. (D.D/Shuplaka)
