Ambasadori i Shteteve të Bashkuara të Amerikës në Shqipëri Donald Lu ka thënë sot se këtë vit do të nisë zbatimi i reformës në drejtësi dhe se 2017-a do të jetë një vit i shkëlqyer për shqiptarët.
Gjatë një takimi me Dhomën Amerikane, ku është e pranishme dhe ministrja Milva Ekonomi, Lu paralajmëroi se ditë më të mira do të vijnë për shqiptarët. Ambasadori ka shprehur vendosmërinë e tij se SHBA-të do të mbështesin qeverinë shqiptarë në luftën kundër krimit të organizuar.
Donald Lu, tha ndër të tjera në takimin e Dhomës Amerikane të Tregëtisë se reforma në drejtësi do të japë rezultate edhe në ekonominë e Shqipërisë ku kjo reformë pritet të transformojë klimën e biznesit. Lu tha se si rrjedhojë do të krijohen mundësi të reja për biznesmenët shqiptarë.
Sipas Lu, këtë vit do të shohim investime të rëndësishme kombëtare teksa është shprehur se ai është realist dhe se shikon se gjëra të mira po vijnë për Shqipërinë dhe shqiptarët.
Lu po ashtu ka shtuar se janë garantimi i stabilitetit dhe demokracisë faktorët që do ta çojnë Shqipërinë drejt Bashkimit Europian duke thënë se Byroja e Hetimit do të hetojë korrupsionin në nivele të larta të qeverisjes.
Po ashtu, me humor ai theksoi se nuk është optimist, por thjesht realist. (M.D/ Shuplaka)
vijon…
