Deputeti i LSI-së, Luan Rama, njëherazi nënkryetar i kësaj partie në një postim në Facebook, shkruan se institucionet janë në kaos dhe krimi është në rritje.
Rama thotë se vendi është ende pa prokuror ndërsa SHISH dhe Policia janë pa drejtues, referuar drejtuesve të përkohshëm.
Rama shton se raporti më i fundit i CIA-s jep alarmin se vendi ynë është rrugë kalimi për trafiqet.
Postimi i Ramës në Facebook:
“Paradoks: kur qeveria, tepsia dhe krimi bëhen një:
Prokuroria e Republikës pa Prokuror të Përgjithshëm;
Shërbimi Informativ i Shtetit pa Drejtor të Përgjithshëm;
Policia e Shtetit pa Drejtor të Përgjithshëm!
Institucionet e luftës kundër krimit në kaos, në pasiguri, të kapura e
nën presion, krimi rritet, forcohet, qeveris!
CIA jep alarmin: Shqipëria rrugë kalimi për kokainën dhe opiumin, është rritur e zgjeruar prodhimi i kanabisit, ka pastrim të lartë të parave, të lidhura me trafikimin e lëndëve narkotike, armëve, apo aktivitete të tjetra të paligjshme të kryera nga zyrtarët dhe kriminelët!”
(F.G/Faxweb)
