Luan Rama i kundërpërgjigjet PS-së: Rilindja s’ka lidhje me socialistët e vërtetë, të presë me qetësi rezultatin

I menjëhershëm ka qenë reagimi i Luan Ramës pas deklaratës së PS-së që iu kundërpërgjigj Ilir Metës, i cili u shpreh nga Lezha lidhur me incidentin në Shëngjin.

Përmes një reagimi në rrjetet sociale, Luan Rama tha se LSI nuk ka bërë asnjë akuzë ndaj Partisë Socialiste dhe socialistëve të vërtetë.

Në qendër të denoncimeve janë grupet kriminale të Rilindjes, të cilët qarkullojnë të armatosur për të kërcënuar votuesit. Në thirrjen drejtuar rilindasve, Luan Rama u kërkoi që të presin me qetësi rezultatin e zgjedhjeve.

“LSI nuk ka bërë asnjë akuzë për Partinë Socialiste dhe as për socialistët! 
LSI ka denoncuar grupet kriminale të Rilindjes që nuk kanë asnjë lidhje me socialistët e vërtetë, që nën mbrojtjen dhe me veprimet e mosveprimet e Policise, qarkullojnë të armatosur për të kërcënuar votuesit dhe për të tjetërsuar vullnetin e tyre!
Rilindja të distancohet nga bandat, të dënojë aktet e dhunës në Kashar, në Shëngjin e gjetiu dhe të presë me qetësi rezultatin e zgjedhjeve!
Shqipëria po voton kundër bandave dhe kastës politike në shërbim të krimit!”, shprehet Luan Rama. 

(XH.A/SHUPLAKA)