Nënkryetari i Lëvizjes Socialiste për Integrim (LSI), Luan Rama theksoi sot rëndësinë e reformës zgjedhore. Në një konferencë për mediat, ai tha se reforma zgjedhore është prova e përgjegjësisë konkrete, përgjegjësi dhe detyrim e klasës politike.
Teksa nënvizoi se suksesi i saj do të mundësojë edhe suksesin e reformës në drejtësi, Rama kërkoi bashkëpunimin edhe nga ana e Partisë Demokratike, e cila është e ftuar t’i bashkohet përpjekjeve për të përmbushur rekomandimet e faktorit ndërkombëtar.
“LSI do të jetë e gatshme të bashkëpunojë për të bërë të mundur mbërritjen e konsensusit të nevojshëm që reforma zgjedhore të arrihet me konsensus duke dëshmuar kështu përgjegjshmëri përpara qytetarëve dhe faktorit ndërkombëtar. Reforma zgjedhore do të bëjë të mundur suksesin e reformës në drejtësi, ndaj është e rëndësishme që të realizohet me sukses të plotë reforma zgjedhore, Ky është testi i radhës për angazhimin real, kontributin real. Për të dëshmuar që e kanë angazhim real dhe përgjegjësi reale që duhet përmbushur.
Partia Demokratike është sovrane në qëndrimet që mban. Pa dashur t’i hyj polemikave, më lejoni rë theksoj që reforma zgjedhore është prova për të bërë të mundshëm përmbushjen e rekomandimeve të OSBE. Kush dëshiron është i lirë për të bashkëpunuar.”, u shpreh Luan Rama.
