Pas dorëheqjes së Petrit Vasilit nga posti i kryetarit, Lëvizja Socialiste për Integrim mblodhi ditën e sotme Konventën Kombëtare Zgjedhore.
pas përfundimit të Konventës Zgjedhore, për mediat ka folur edhe zëvendës kryetari Luan Rama i cili, i pyetur në lidhje me bojkotoin e LSI-së në parlament në kohën që do të jenë në opozitë, ai u shpreh se LSI nuk ka bojkotuar në kohë të vështira dhe ky nuk është qëllimi i LSI-së
“Zonja Kryemadhi iu referuar sjelljes tonë në bashkëqeverisje me PS-në, ne nuk e kemi natyrë bojkotin as në në kohë edhe më të vështira, si në 2009. Siç u pa dhe në zgjedhjet e 25 qershorit LSI është rritur në mënyrë progressive”, tha Rama.
Ndërkohë Rama u pyet edhe në lidhje me vendet e punës në administratë nëse ata ndihen të rrezikuar, ai u përgigj se këtë ja ka lënë në dorë qeverisë.
“ Le ta lëmë tepsixhiun të bëjë çfarë të ketë qejf me të, nëse ai ka thënë për skrap një tjetër ka thënë se e kemi kthyer përmbys tepsinë, qytetarët nuk kanë nevojë për retorikë por për besim, ne do ta bëjmë këtë në funksion të një opozite që do ta shikoni vetë në parlament, në opozitë do të kundërshtojmë për çdo gërmë, çdo aksion që mazhoranca do të marrë në funksion kundërshtues nga qytetarët” u shpreh ai. (S.SH./Shuplaka)
Discussion about this post