Luan Zhegu për “Fax News” është shprehur se ndarja nga jeta e Aleksandër Lalos ishte një humbje e madhe për muzikën dhe se ai vetë si kompozitor nuk bënte asnjëherë kompromis.
“Ai ishte një mik i imi shumë i mirë por edhe ishte i të gjithëve. Krijimtaria e tij shkon deri në 30 filma duke përfshirë edhe ato me metrazh të shkurtër. Lalo ka qenë dhe mbetet një kompozitor tepër i shquar i artit shqiptar. Unë me të njiheshim që shumë herët, që prej vitit ’67. Jam njohur me të që prej moshës 18 vjeçare. Ai i binte firzamonikës tepër bukur. Mund të mbahen nga këngëtarët që kam interpretuar muzikën e Lalos.
Lalo nuk bënte kurrë kompromis me muzikën. Ishte shumë rigoroz në punën e tij. Bashkëpunimet me Lalon kanë qenë nga më të larmishmet. Të parën që këmi bërë ka qenë komedia “Mirela” dhe kjo komedi u filmua dhe në rolin kryesor ka qenë Agim Bajko.
Krijmitaria e Lalos ishte tepër e këndueshme. Ai ka bashkëpunuar edhe me Jorgo Papingjin. Ishte shumë detajist. Lalo ishte jashtëzakonisht kërkues. Lalo shquhet nga orkestratorë të mirë. “Kur jemi bashkë të dy” është ajo pjesë muzikore që më dridhet trupi. Pra sikur po këndojmë një poezi të bukur.
Unë jam çik më ndryshe sesa Lalo dhe gjithmonë kapeshim me Lalon. Lalo ishte shumë më tepër ekspresiv, ishte tepër realist. Lalo nuk mbante maskë. Diçka që më ka mbetur peng me Lalon dhe nuk e realizova. Do bësh një recital më tha. Do të bëj recital dhe kjo më mbeti peng pasi nuk e bëra”, u shpreh Luan Zhegu. (J.V/Faxweb)
Discussion about this post