Lubonja: Soros nuk është pjellë e Ramës, në fillim mbështeti Berishën

Emisioni “Të paekspozuarit” i dedikohet miliarderit George Soros dhe ndikimit të tij në Shqipëri.

Sipas analistit Fatos Lubonja, Soros nuk është pjellë e kryeministrit Edi Rama.

“Një problem që shoh unë tek Soros është se si ka mundësi që ai është sponsori më i madh i pushtetit. Mendoj se idealet e bukura mbulojnë qëllimet e mbrapshta”- tha Lubonja.

Ndërkohë për ndikimin dhe ardhjen e multimilarderit në Shqipëri Lubonja tha se “ka një dezinformim nga shtypi pasi duket sikur Soros ka qenë me Edi Ramën. Nën urdhrin e Soros u hoq Fran Nazi dhe erdhi Avni Mustafaj, përsëri shqiptaro-amerikan i cili ishte pro Berishës dhe pas kësaj fondacioni “Soros” mban një profil shumë të ulët sa i përket asaj që të ishte më afër shoqërisë civile. Soros nuk është pjellë e Ramës, pasi në fillimet e veta në Shqipëri ai mbështeti Sali Berishën dhe mori intelektualet e vendit. Berisha në atë kohë ishte kundër vetes dhe i bëri të gjithë armiq”, shtoi Lubonja.

Sipas tij, me ardhjen e Donald Trump në krye të Shtëpisë së Bardhë nuk do të thotë se po ndryshon bota. Trump vjen për te kontestuar linjën e Soros.

“Duhet të shikojmë të dy anët, edhe kritikën ndaj Trump, por edhe kritikën ndaj Soros”, u shpreh Fatos Lubonja. (A.R/SHUPLAKA)