Ditën e sotme, deputeti i Partisë Demokratike, Luçiano Boçi u shpreh se gati 8000 studentë shqiptarë që studiojnë jashtë vendit rrezikojnë shkollën. Kjo vetëm për shkak të një vule.
Duke akuzuar Ministrinë e Punës e Çështjeve Sociale, Boçi tregon se i gjithë ky problem është për faktin se mungon vula apostille që e lëshon ky dikaster.
“Gati 8000 studentë shqiptarë që kërkojnë të studiojnë jashtë vendit si dhe ata që kanë fituar një bursë, por dhe qytetarë të tjerë, rrezikojnë gjithçka vetëm për një vulë.
Bëhet fjalë për vulën apostille që lëshonte ish Ministria e Punës e Çështjeve Sociale.
Pa këtë vulë bëhet e pamundur legalizimi i dokumentave në Ministrinë e Jashtme (desh harrova…) dhe të Europës.
Thënë ndryshe shtetin tonë “vulëhumbur”, nuk i gjendet vula apostille.
Me çorganizimin e organizuar të kabinetit të ri qeveritar, qytetarët nuk kanë derë ku të shkojnë për hallin e tyre.
Ndërkohë, asnjë nga Ministritë e mundshme nuk e merr përsipër një detyrim të tillë, mgjs na paskan biseduar për këtë disa orë rresht “me dyer të mbyllura”!!!???
Hajde e thuaj po deshe pastaj që këta po qeverisin pa qytetarët?”, është shprehur Boçi. (D.D/Shuplaka)
Discussion about this post