Deputeti i Partisë Demokratike Luçiano Boçi, ka reaguar pas publikimit të raportit të kryeministrit Edi Rama për qytetin e Elbasanit.
Në raportin e kryeministrit Rama, thuhej që problemi më i madh për qytetarët e Elbasanit, ka të bëjë me ujin e pijshëm. Më pas vjen papunësia, investimet në bujqësi, rrugë e problemet me pronën.
Mirëpo Boçi ka reaguar mjaft ashpër duke thënë që “këtë që bën sot Rama me njerëzit e politikëbërjen e quanim “tallje b…. me pengesa!”.
Kjo sepse sipas Boçit, të gjitha këto Rama i kishte premtuar që në fushatën e 2013-ës. Përveç problemeve të listuara nga Rama, Boçi kujton edhe një sërë problemesh të tjera që prekin qytetin.
REAGIMI I BOÇIT:
Aleluja!!!!
Sot K/M na paska listuar shqetësimet e Elbasanit të marra nga dëgjesat!!!???
Kur ishim të rinj, jashtë kostumit politik, këtë që bën sot Rama me njerëzit e politikëbërjen e quanim “tallje b…. me pengesa!”.
Po ky të gjitha këto do i bënte vetë që nga 2013!
I ka premtuar vetë dhe me përfaqësuesit e tij.
I ka pasur në programin e qeverisjes:
Edhe ujin….
Edhe rrugët….
Edhe bujqësinë…
Edhe papunësinë…
Madje ky punësoi 300.000 sipas këtij?.
Për Elbasanin kështu i bie të jenë punësuar sē paku 25.000 si qark.
Tani ose po rrejnë njerëzit Ramën “e shkretë”.
Ose Rama i ka gjetur kokën e punësimit dhe i rren sa herë të dojë.
Po mirë kēto po të tjerat i harroi ky, pardon “njerëzit”?!
Harroi tymin kancerogjen e kutërbimin e kufomës që sjell inceneratori famëkeq?!
Po ndotjen nga përpunimi i solarit?!
Po ndotjen nga Kurum?
Po rrugën Tiranë-Elbasan?
Po infrastrukturën arsimore e shëndetsore?
Kur dikujt i kuptohej mashtrimi i trashë si të rinj të atëhershëm, i pëgjigjeshim (me dialekt):
“shko mor mçifu!!!!!” (mos i dil para të tjerëve), për të mos thënë atë më shqeton:
Ik mor…..!!!!! (D.D/Shuplaka)
