Lufta në Gaza/ Këshilltari amerikan: Shpresojmë të arrijmë marrëveshje për armëpushim

“Shtetet e Bashkuara të Amerikës po punojnë në mënyrë sistematike për të vënë në zbatim një armëpushim midis Izraelit dhe Hamasit në Gaza, por nuk kemi arritur ende në atë pikë”, tha sot këshilltari për sigurinë kombëtare të Shtëpisë së Bardhë, Jake Sullivan.

“Do të ketë diskutime dhe konsultime të tjera dhe shpresojmë se mund të arrijmë një armëpushim me një marrëveshje për pengjet, por nuk jemi ende aty”, tha këshilltari i presidentit amerikan, Joe Biden , në deklaratat e tij për NBC.

Hamasi publikoi dje një video në të cilën shfaqeJ një peng izraelito-amerikan duke folur në anglisht, i cili iu drejtua presidentit të zgjedhur të SHBA-së, Donald Trump, ndërkohë që iu drejtua më pas në gjuhën e hebrenjve kryeministrin izraelit Benjamin Netanyahu. Ai kërkoi lirimin e tij. I riu, i quajtur Edan Alexander, shihet në video duke u kërkuar izraelitëve që të bëjnë presion ndaj qeverisë për ta liruar atë dhe të gjithë pengjet që mbahen ende në Gaza.