Mbrëmjen e kaluar Shkodra u trondit nga një tjetër atentat me armë ku mbeti e plagosur një kalimatare rasti ndërsa janë vënë në pranga 3 persona dhe ka shpallur në kërkim një tjetër i cili braktisi makinën e tij në vendngjarje.
Janë arrestuar: Argjend Rexha, Riad Xheladini si dhe Emirion Buraku, dy prej të cilëve kanë qenë me banim në Durrës dhe një tjetër në Maqedoni.
Si objektiv i atentatit ka qenë Mirsad Meta, makina e të cilit, tip BMW është prekur nga disa plumba, ndërkohë që ai ka arritur që të largohet nga vendngjarja, dhe është shpallur në kërkim nga policia.
Faxweb.al mëson nga burimet se ngjarja e mbrëmshme mund të ketë pasur motive hakmarrjeje. Dy jkavë më parë në qytetin e Durrësit shpërtheu një sasi tritoli në makinën e Ornela Burakut, punonjëse policie e cila ndodhëj në oborrin e banesës.
Të njëjtat burime thonë se Emirion Buraku është vëllai i efektives ndaj të cilës u bë atentati, ndërkohë që dyshohet se ai ka zbuluan autorin e vendosjes së tritolit në makinë dhe ka dashur të hakmerret.
Paraprakisht u raportua se ngjarja e mbrëmshme ka ndodhur për shkak të një konflikti të pazareve të drogës, pasi Meta dhe tre autorët e dyshuar kanë pasur dhe aktivitet jashtë vendit. Mësohet se konflikti e ka zanafillën pikërisjht për pazare droge jashtë vendit
Efektivja Buraku, është shprehur në polici se nuk ka pasur asnjë konflikt personal, që mund të çonte në këtë paralajmërim.
Burime bëjnë me dije se shpërthimi dyshohet se ka ndodhur për shkak të detyrës që mban Buraku.
Fatmirësisht nga shpërthimi i lëndës plasëse nuk ka pasur të lënduar. Efektivja Buraka banonte me prindërit e saj në Durrës, ndërkohë që ishte pjesë e policisë së shtetit prej më shumë se 15 vitesh.
Discussion about this post