I dërguari i posaçëm i presidentit amerikan Donald Trump për Ukrainën, Keith Kellogg, do të udhëtojë në Poloni të martën për bisedime me presidentin Andrzej Duda .
Vizita vjen pasi Trump dhe presidenti rus Vladimir Putin kanë thënë se duan të mbajnë bisedime për t’i dhënë fund luftës në Ukrainë.
Kremlini po bën thirrje që të zhvillohen negociata në Arabinë Saudite midis zyrtarëve amerikanë dhe rusë për të diskutuar jo vetëm krizën ukrainase, por edhe sigurinë evropiane më gjerësisht.
“ Keith Kellogg do të jetë i ftuar nesër në pallatin presidencial të presidentit polak Andrzej Duda, Pala amerikane ishte ajo që ishte e interesuar për këtë takim” theksoi Wojciech Kolarski, një këshilltar i presidentit polak në mediat vendase.
Duda një aleat i qeverisë së mëparshme konservatore të Polonisë, ka lidhje të ngushta me Trump, megjithëse ai kritikon Rusinë për pushtimin e saj në Ukrainë.
I pyetur për qëndrimin e presidentit polak gjatë bisedimeve të ardhshme me Kellogg, Kolarski deklaroi se “Rusia nuk mund ta fitojë këtë luftë”.
Discussion about this post