Të paktën dy persona janë vrarë dhe 54 të tjerë, përfshirë tre fëmijë, janë plagosur nga sulmet e reja ruse në qytetin e Kharkiv, raporton La Repubblica.
Kryebashkiaku i qytetit Igor Terekhov njoftoi se sulme me dronë kishin ndodhur në dy lagje të qytetit.
“Gjashtë deri në shtatë sulme me dronë ndodhën në dy lagje të qytetit” gjatë natës, tha zyrtari, duke vënë në dukje disa minuta më vonë se “ka tashmë raportime për dy të vdekur”.
Katër ditë më parë Kharkiv, qyteti i dytë më i madh në Ukrainë, u godit nga raketa, dronë dhe bomba rrëshqitëse që vranë katër civilë dhe plagosën 40 të tjerë.
Alarmi u ngrit edhe në Kiev, por nuk u dëgjuan shpërthime në qytet. Nuk është e qartë nëse ishte një devijim apo nëse pajisjet u kapën nga mbrojtja kundërajrore
