Mardhëniet e tensionuara Lindje-Perëndim, apo raportet e fuqisë midis tyre janë kthyer në një shqetësim për njerëzit saqë shpeshherë na bëjnë të mendojmë se një luftë e tretë botërore mund të jetë e pashmangshme.
Një ndër marrëdhëniet më të acaruara është ajo mes SHBA dhe Kinës. Për këtë arsye e përditshmja britanike ‘Express’ i ka dedikuar një shkrim vendeve më të sigurta në botë, me më shumë bunkere ku mund t’i shpëtosh një Lufte të Tretë Botërore mes të cilave është edhe Shqipëria.
Sipas “Ekspress” Shqipëria është vendi tretë më i sigurt pas, pas SHBA-së dhe Zvicrës. Në SHBA pjesa më e madhe e shteteve kanë rrjete bunkerësh të ndërtuar këto nga qeveria amerikane sidomos gjatë luftës së ftohtë për punonjësit federalë. Ndërkohë Zvicra është unike dhe ka arritur të ndërtojë bunkere mjaftueshëm për të akomoduar të gjithë popullatën e saj.
Në rastin e Shqipërisë situatë ndryshon. Sipas shkrimit të prestigjozes britanike janë më shumë se 170 mijë bunkerë, të ndërtuar në vend, mes viteve 1960-1980 gjatë sundimit komunist. Pra janë mesatarisht 5.7 bunkerë për çdo km katror, ose e thënë ndryshe një bunker për çdo katër shqiptarë. Këto bunkerë janë ndërtuar në kurriz të financave të vendit dhe në një kohë krize ekonomike dhe strehimi, por nuk janë përdorur asnjëherë për mbrojtje në luftë.
Menjëherë pas Shqipërisë, në këtë renditje të britanikes vjen Suedia me më shumë se 65 mijë bunkerë, të cilët do të mund të mbanin 7 milionë njerëz në rast të një lufte të tretë botërore.
Në këtë klasifikim të sigurta konsiderohen edhe vende të tjera si Danimarka, Norvegjia, Finlanda dhe Islanda, që gjithashtu kryesojnë edhe listën e vendeve më të lumtura dhe me standardet më të larta të jetesës.
Ndërkohë në vendet më të rrezikshme janë klasifikuar Libia, Somalia, Jemeni, Afganistani, Sudani dhe Mali.
Discussion about this post