Kreu i Grupit të PS Taulant Balla sëbashku me Ministren e Drejtësisë Etilda Gjonaj dhe Ministrin e Brendshëm Sandër Lleshaj nisen sot drejt Gjermanisë, ku pritet të zhvillojnë takime me zyrtarë të lartë atje.
E rastësishme apo jo vizita e tyre, përkon me atë të kreut demokrat Lulzim Basha, i cili ka fluturuar drejt Gjermanisë në orët e para të mëngjesit të sotëm, pas protestës së shtatë kombëtare të zhvilluar nga opozita e bashkuar.
Duket se pas tensioneve në vendin tonë, të dy forcat politike kanë nevojë për mbështetjen gjermane, e cila ka qenë e ndarë rreth zhvillimeve në Shqipëri.
Zëra të ndryshëm nga koalicioni qeverisës CDU-CSU janë shprehur në kundërshti lidhur me zgjidhjen që duhet të marrë kriza politike në Shqipëri, pasi një pjesë e përfaëqësuesve nuk përjashtojnë as dorëheqjen e Edi Ramës apo shtyrjen e zgjedhjeve lokale të 30 Qershorit.
(E.K/Faxweb.al)
