Luftëtari ka ndalur Kukësin në përballjen e luajtur në stadiumin e Gjirokastrës. Vendasit shënuan të parët me anë të Rexhinaldos brenda 5 minutave duke e nisur ndeshjen mbarë. Për verilindorët ka barazuar Pejiç nga pika e bardhë, pasi fitojnë një penallti të dyshimtë. Pjesa e parë mbyllet në shifrat e barabarta 1-1.
Në fraksionin e dytë të takimit, loja merr rrjedhë tjetër, ka më shumë volum, aksione ku dy prej tyre finalizohen me sukses. Emini përmbys rezultatin në minutën 66′ të ndeshjes ndërkohë që minutat e fundit luhen në tension, djemtë e Milinkoviç nuk ngurojnë të gjejnë rrjetën e barazimit. Rapo ja del të barazojë rezultatin 2-2 dhe i dhuron një pikë të artë skuadrës që shkon në kuotën e 22 të tilla në vendin e pestë ndërsa ja heq “fitoren” nga duart kampionëve të dimrit, Kukësit që mban kreun më 36 pikë.
Formacionet zyrtare
Luftëtari – Kukësi 2-2
Golat: Rexhinaldo 05′, Rapo 88’/ Pejiç 36′(pen), Emini 66′
Luftëtari: Ruçi, Liçaj, Beqiri, Bojom, Mersini, Ramadani, Rapa, Rapo, Abazaj, Bregu, Rexhinaldo
Trajner: Mlladen Milinkoviç
Kukësi: Koliçi, Hallaçi, Shameti, Alla, Imami, Dvornekoviç, Lena, Karioka, Greca, Emini, Pejiç
Trajner: Ernest Gjoka
Gjyqtar kryesor: Klajdi Kola
Laçi-Teuta 0-2
Golat: Ribaj 23′ , 64′(pen)
Laçi: Selmani, Fangaj, Gjoni, Qaqi, Shala, Abraham, Lulaj, Musaj, Çelhaka, Lushkja, Akuino
Trajner: Ramadan Ndreu
Teuta: Moçka, Borshi, E. Hoxha, R. Hoxha, Kotobelli, Hila, Dita, Cmajcanin, Musta, Gripshi, Ribaj
Trajner: Gugash Magani
Gjyqtar: Enea Jorgji
Discussion about this post