Luhatje vlerash, mësoni sa do të jenë temperaturat në fundjavë dhe javën e ardhshme

Pas ditës së premte që shënoi rekord temperature, pritet që këtë të shtunë të shënohet një rënie e lehtë e tyre, e cila do të jetë më e ndjeshme në zonat malore. Referuar “Meteoalb”, e diela sjell rënie të ndjeshme të temperaturave që do të përfshijnë qendrën dhe jugun e vendit duke bërë që maksimumi i vlerave të arrijë në 33-34 gradë Celsius.

Java e ardhshme pritet të karakterizohet nga temperatura tipike të muajit Korrik. E hëna por dhe gjithë java tjetër do të karakterizohen nga temperature maksimalisht 35 gradë Celsius.

Gjatë periudhës kohore 2-10 korrik 2017, moti do të jetë shumë më i freskët se moti i këtyre ditëve të fundqershorit.

(XH.A/SHUPLAKA)