Do të luhen sot katër takimet e tjera të javës së 15-të të Superligës. Siparin e ngriti ndeshja mes Teutës dhe Skënderbebut dje në “Niko Dovana” që u mbyll në barazim pa gola.
Vllaznia do të përballet me Luftëtarin në ” Loro Boriçi”, ndërsa një tjetër sfidë e fortë do të jetë ajo mes Kukësit dhe Flamurtarit.
Kukësi kërkon të marrë tre pikët e arta që të marrë kryesimin e renditjes, por kjo sfidë do të jetë e vështirë për verilindorët pas rikthimit të vlonjatëve në formën e tyre më të mirë.
Ndeshjet startojnë në orën 14:00, ndërkohë që në 17:00 do të mbyllin këtë javë Partizani – Laçi dhe Tirana – Korabi.
