“Ty të duam të v.dekur” kërcënohet me jetë ministri i Jashtëm Luigi Di Maio

Ministri Jashtëm i Italisë, Luigi Di Maio është kërcënuar me jetë në rrjetet sociale gjatë 24 orëve të fundit.

Në mediat italiane jane publikuar thirrje të tilla nga një llogari me emrin Carla i cili ka shpërndarë në Twitter postime si “Luigi Di Maio të duam të v.dekur së bashku me të gjithë napoletanët”, “Luigi Di Maio i vdekur” etj. Lëvizja 5 Yje ka shprehur solidaritet ndaj numrit 1 të diplomacisë italiane.

Solidaritet kanë shprehur dhe anëtarë të qeverisë Conte e parlamentarët të forcave të ndryshme politike të cilët kërkojnë që policia postale të zbardhë dhe të kapë autorët e këtyre thirrjeve urrejtjeje.

Në rastin e Di Maio, shfaqen dy probleme. Ajo e dhunës (dhe mungesa e kontrollit) në rrjetet sociale dhe ajo e racizmit, me vepra të rënda kundër jugorëve.