Nëna e Luis Saliajt, Mimoza Saliaj ka folur për herë të parë pas vrasjes makabër të ndodhur në Mallakastër, ku u masakura dhe u hodh në rezervuar Drita Saliaj.
Sa iu takon dëshmive se Drita është përdhunuar para se të vritej, nëna e Luisit e mohon diçka të tillë. Në një intervistë për “FaxNews”, ajo u shpreh se Luisi e kishte si nënën e tij Drita Saliajn dhe nuk e bënte kurrë diçka të tillë.
Ajo shtoi se nuk do të dërgojë asnjë avokat për të mbrojtur djalin e saj, por do ta lërë të vuajë dënimin që meriton.
“Luisi e kishte nënë Dritën dhe nuk e bëntë kurrë këtë. Është shumë fjalë e rëndë për Luisin. Nuk kam asgjë për të fshehur. Këtë për përdhunimin nuk e besoj. Luisi të flasë, të thotë të bërtetënd he të marrë dënimin që meriton.
Nuk e besoj sepse Drita e ka rritur djalin tim, ne kemi shkuar atje. Ne shkonim si familje me njëri-tjetrin, ne hynim dhe dilnim. Le të flasë edhe djali i vogël i Dritës. Unë jam shumë keq, rri vetëm shtrirë. Nuk do të doja që ndodhte, por drejtësia të vihet në vend.
Të marrë që meriton nëse e ka bërë. Nuk e kam përfaqësuar dhe nuk e përfaqësoj me bashkëshort nëse e ka bërë atë punë. Edhe bashkëshorti im është shumë keq, në gjendje të rënduar. Vetëm qan”, tha Mimoza Saliaj.
