Mesfushori i Real Madrid, Luka Modric në një intervistë për “France Football”, ka deklaruar se nuk e priste aspak largimin e Zinedine Zidane dhe Cristiano Ronaldos nga “Los Blancos”.
“Ronaldo i përket një brezi tjetër futbollistësh. Unë, përshembull, jam një person i rezervuar dhe i turpshëm, nuk e kam preferuar daljen në media. Preferoj thjeshtësinë. Nuk mendoja se do të largohej nga Madridi, as Zidane. Kur mediat flisnin për largimin e Ronaldos ne vendosnim baste në dhomat e zhveshjes. Ishim të bindur se do të qëndronte, por të gjithë bëjnë zgjedhjen e tyre.
Ylli portugez u largua nga Real Madrid në muajin korrik, teksa kaloi te Juventusi për shumën 105 milionë euro, teksa u konsiderua si transferimi i shekullit. Ndërkohë, klubi madrilen u trondit përsëri nga largimi i Zidane, i cili fitoi tre Champions League radhazi në Spanjë.
