Qendra për Hapje dhe Dialog (COD) sjell për publikun shfaqjen e filmit “Lulet plastike”, një vepër me regji dhe skenar nga shkrimtari i njohur Ylljet Aliçka.
Ky film sjell në ekran një histori prekëse mbi indiferencën, vetminë dhe ngrohtësinë njerëzore në moshën e tretë, përmes interpretimit brilant të dy prej emrave më të dashur të kinemasë shqiptare: Robert Ndrenika dhe Zana Prifti.
Pas shfaqjes do të mbahet një diskutim i hapur me autorin Ylljet Aliçka dhe studiuesen Eris Dhamo, ku do të trajtohen temat që prek filmi dhe reflektimet që nxit në shoqërinë e sotme.
Ky aktivitet synon të krijojë hapësirë për dialog dhe ndjeshmëri ndaj përjetimeve të të moshuarve, duke nxitur reflektim mbi rolin e komunitetit dhe lidhjet njerëzore në një kohë gjithnjë e më individualiste.
