Kryeministri Edi Rama tha sot nga Lezha se ky qark ka një mbështetjë të veçantë nga qeveria.
Kryeministri pohoi se ka plane për rritjen e agroturizmit dhe zhvillimit e zonave në qarkun e Lezhës, ku do të mbështeten përmes uljes trefish të taksës dhe shtimit të investimeve.
Por kryeministri shkoi edhe më tej, ku ironizoi me kundërshtarin e tij, liderin e opozitës Lulzim Basha.
“Bën si i vështirë tani, por në fund do vij dhe do më ulet. Luli ka vetëm një problem, vetëm si të më takojë mua. Ata që mendojnë se opozita bën diçka, kanë probleme. Luli ka gjetur protestën për të tërhequr vëmendjen”, – u shpreh Rama.
Por pas kësaj deklarate, ajo që ngrihet në pikëpyetje është një marrëveshje e dytë si ajo e 17-18 majit mes tij dhe Bashës.
Kujtojmë se kritikët brenda Partisë Demokratike shpesh herë janë shprehur se marrëveshja Rama-Basha vijon, por kjo është mohuar nga kryedemokrati. Ndërsa nga ana tjetër ish-kryeministri Sali Berisha, njëherësh lideri historik i PD-së, është shprehur se një marrëveshje e dytë me Edi Ramën do të ishte një vetëvrasje.
Mbetet për tu parë se çfarë do të ndodhë pas protestës së 16 shkurtit, për të cilën opozita është shprehur se do të vijojë deri në rrëzimin e kryeministrit Rama.
(B.B/ Faxweb.al)
Discussion about this post