“Luli ka filluar të sekëlldiset nga ndërhyrjet e pajustifikueshme të Metës”

Kryeministri Edi Rama, në një takim elektoral në qytetin e Shkodrës, ka thënë se kreu i opozitës Lulzim Basha, ka nisur të sekëlldiset nga ndërhyrjet e pajustifikueshme të atij që është Presidenti i zgjedhur i Shqipërisë.

“Më 25 qershor ose do kthehemi mbrapsht ose do ecim para. Më vjen keq që me një marrëveshje historike për t’i dhënë fund një konflikti të nxitur nga PD, duke e nxjerrë PD-në dhe Lulin nga çadra ku ishin futur nga frika e drejtësisë, Luli ka filluar të sekëlldiset nga ndërhyrjet e pajustifikueshme të atij që është Presidenti i zgjedhur i Shqipërisë. Ne nuk kemi asnjë minutë për të humbur në këtë fushatë duke u marrë me njëri-tjetrin.

Kjo është fushatë që PS do e bëjë deri në fund për shqiptarët e zakonshëm.  Ata nuk bënë dot shtet deri para 44 muajsh, dhe lanë të kuptohet që ky shtet nuk bëhet, por ne provuam të kundërtëtën. Imagjinoni ça thotë Luli që do t’i ushqej unë fëmijët tuaj falas, do me thënë prindërit mjafton të votojnë PD-në e Lulit e të mos shqetësohen për fëmijët se i ushqen ai,” ishin fjalët e Ramës. (D.D/Shuplaka)