Lulja i vjedh vëmendjen Veliajt, përlotet përkrah tij për momentet e punës

Kryetari i Bashkisë Erion Veliaj është shprehur se në Tiranë është ulur intesiteti i ndërtimve dhe janë vendosur 286 gjoba për ndotjen e qytetit.  Po kështu Veliaj ka deklaruar se çdo muaj në Tiranë mbillen 1 mijë pemë aq sa nuk u mbolën as në 4 vitet e qeverisjes më parë.

“Ne i shtuam parkut të liqenit 25 hektarë. Vetëm te liqeni sa ndërtesa pa leje kemi prishur dhe të tjera do prishim. Kemi ulur intetsitetin e ndërtimeve në Tiranë. Do vazhdojmë të pastrojmë qytetin. Dje kemi vendosur 286 gjoba. Ndotja më e madhe vjen nga diegja e gomave, duhet të denoncojmë rastet. Shumica e puntorëve të pastimit dhe gjelbërimit nuk punonin fare. Ndërsa sot punojnë deri në orët e vona të natës. Ne për herë të parë kemi një parti politike të dënuar për ndotje publike dhe abuzim për gjelbërimin dhe kemi hyrë në një fazë të re. Të gjithë duhet të zbatojmë rregullat për gjelbërimin. Në momentin që nuk tolerohet askush do të kemi një qytet më të pastër. Një parti që është dënuar për ndotje publike do të thotë që kemi vendosur një standart. Kemi mbledhur një mijë pemë çdo muaj. Aq pemë që nuk u mbollën në 4 vjet ne po i mbjellin në një muaj. Dua të falemderoj shumë ata që pastrojnë lagjet. Bekimet, uratat që keni nga komuniteti janë të mëdha. Do doja t’ju vlerësoja dhe do rithjejmë aksionet e vjetshme. Ne shkojmë në një lagje 1 herë ose 2 herë në lagje sepse ne kuptojmë që edhe njerëzit janë të ndërgjgjshëm për ta mbajtur pastër komunitetin e tyre”, u shpreh Veliaj.

Ndërkaq Veliaj pas fjalës së tij ka ftuar të flasë një punonjëse të gjelbërimit që quhet Lule, e cila tani del në pension.

“Falemiderit të gjithëve, u ndriçoftë Tirana, ju uroj nga thellësia e zemrës që Tirana vetëm u lulëzoftë. Ditët e fundit po punoja për sektorin e pastrimit, është një rini aktive, të rinjtë që dinë të komunikojnë me ne”, tha punonjësja Lule e pastrimit të qytetit që del në pension .(J.V/Shuplaka)