Pasi nuk e dëgjuan deri në fund kryeministrin Rama dhe lanë në mes seancën e Kuvendit, deputetët e opozitës dolën në ambjentet e jashtme të Kuvendit.
Duke folur për gazetarët kreu i PD-së, Lulzim Basha u shpreh se kryemistri është i pashpirt dhe nuk ja ndjen fare për të varfërit.
I pyetur nga një prej gazetarëve se kur do të jetë protesta e rradhës, Basha i dredhoi pyetjes duke mos dhënë një datë. Teksa nxiti gazetarët që të protestojnë për kushtet e tyre.
“Sot Edi Rama u tregua ai që është, nuk ja ndjen fare për qytetarët, të cilët ndodhen me sytë nga qielli.
Me fëmijë që ushqehen vetëm njëherë në ditë, dhe me një gjysmë thesi miell të mykur. Vendi ka nevojë që ekonomia të çlirohet nga monopolet.
Protestat janë të vazhdueshme. Sot ka dy protesta këtu para Kuvendit, ju gazetarët kur do bëni protestën tuaj, dhe ne do të gjendemi krah jush. Ju garantoj për këtë”, u shpreh Basha.
(E.K/FAXWEB)
Discussion about this post