Lulzim Basha ka folur ditën e sotme në një konferencë për media lidhur me rrëzimin e amendamentit në seancën plenare të ditës së sotme, teksa ka theksuar edhe se Partia Demokratike ka projektuar një strategji për t’i risjellë popullit shqiptar shpresën.
Ai tha se, pavarësisht ndarjes së opozitës, do të punohet që shqiptarët të rigjejnë besimin për ndryshim.
Lulzim Basha: “Kemi projektuar një strategji dhe po bëjmë gjithçka që PD mos të shkatërrojë ndjesinë e shpresës por të fillojë të ndërtojë një të tillë, përmes qëndrimeve, propozimeve, ofertave dhe së shpejti një tipi njerëzish të cilët testin kryesor e kanë të provuar dhe do të jenë aty, jo për të mbushur numrin, por për t’i dhënë fund politikës së telenovelës së teatrit dhe për të projektuar një qëllim politik që në qendër ka njerëzit dhe hallet e tyre.
Nuk jemi aty ku duam të jemi dhe nënshtrimi i opozitës për interesa personale ka bërë të veten, por çdo gjë e ka ciklin e vet. Ne do punojmë të pareshtur që shqiptarët të rigjejnë besimin tek forca e gjithësecilit për ndryshim.”
Discussion about this post