Kryetari i Partisë Demokratike Lulzim Basha ka shpalosur sot një pikë me rëndësi të programit të Partisë Demokratike në qeverisje: pagën minimale 300 euro!
“Ndaj dua që sot ta them qartë dhe publikisht, përkushtimin tonë të parë dhe të palëvizshëm; deklaroj para kësaj asambleje të mbrojtjes së të drejtave të punëmarrësve shqiptarë, vendimin e Partisë Demokratike për të kaluar brenda gjashtëmujorit të parë të mandatit tonë të parë qeverisës, masën e rrogës minimale, të pagës minimale, në nivelin e 300 eurove dhe brenda katër viteve të para të qeverisjes, në nivelin e 400 eurove për të gjithë punëmarrësit shqiptarë, si një masë e domodoshme”, u shpreh Basha.
Basha tha më tej: “Do t’i japim fund koncesioneve korruptive dhe cdo qindarke qe shkon per oligarket dhe pushtetaret, do ta cojme per rritjen e pagave, pensioneve dhe per te investuar per te ardhmen e femijeve tane.
Bashkimi bën fuqinë! Prandaj le të bëheni bashkë, ju si sindikata dhe bashkë me Partinë Demokratike t’ia dalim të arrijmë qëllimet tona për më shumë punë e nirëqniene. Këto janë ditët e sprapsme të oligarkisë dhe të një qeverie antipopullore, antieuropiane.
Siç jam sot si kryetar i opozitës do të jem para jush me të gjitha përgjegjësitë që do të me besoni për të dhënë llogari për premtimet e sotme këtu dhe per çdo angazhim tjetër që do të burojë nga marrëveshja jonë. Ndryshimi po afron!”.
(E.K/Faxweb.al)
Discussion about this post