Kreu i PD-së Lulzim Basha ka mbyllur protestën e gjashtë kombëtare të opozitës, duke thënë se PD është e gatshme që të sakrifikojë gjithçka për demokracinë.
Protesta e sotme që zgjati për rreth 3 orë ishte paqësore dhe nuk u shënuan akte dhune.
Kreu i PD-së theksoi se marrëveshje pa dorëheqjen e Edi Ramës nuk do të ketë, dhe kushti për qeveri tranzitore është i panegociueshëm.
“Mesazhi i sotëm është i qartë dhe i prerë ndaj miqve dhe aleatëve tanë dhe ndaj kundërshtarëve dhe armiqve të demokracisë se ne jemi gati të sakrifikojmë gjithçka për votën e lirë. Nuk do ta lejojmë kurrë despotizmin antievropian, të cilët kanë kapur drejtësinë dhe kanë bllokuar rrugëtimin tonë drejt Evropës.
Sot japim këtë mesazh të qartë dhe të vendosur. Këtë betejë e nisëm për Shqipërinë si gjithë Evropa dhe tani është koha për zgjidhjen politike, largimin e Edi Ramës, qeveri tranzitore dhe zgjedhje të lira dhe të ndershme.
Ne jemi gati që me gjithë faktorët e përgjegjshëm politik të vendit, të hapim rrugën e zgjidhjes së krizës, duke bërë të mundur së pari largimin e shkaktarit dhe pengmarrësit të demokracisë, të shtetit të së drejtës dhe përmes një qeverie tranzitore garantimin dhe ndarjes së pushteteve, realizimin e zgjedhjeve të lira dhe të ndershme dhe dalje e një qeverie të zgjedhur nga popullit”, tha Basha.
(E.K/Faxweb.al)
Discussion about this post