Kryedemokrati Lulzim Basha ka mbajtur fjalën e tij në mbylljen e protestës së opozitës.
Në fjalën e tij Basha, duke e cilësuar protestën si më të madhen në historinë e vendit, shprehu mirënjohjen për pjesëmarrësit duke e cilësuar protestën si një sukses ndaj kauzës.
“Mirënjohje të thellë për qytetarët dhe qyetaret e Shqipërisë për ketë qëndresë monumentale për orë të tëra në këtë muzg të tiranisë dhe bandës kriminale në pushtet dhe lindjes së demokracisë së re për shqiptarët.
Kjo ishte protesta më e madhe në historinë demokratike shqiptare. Ndriçuat horizontin e shpresës që do të kalojë vetëm përmes zgjedhjeve të lira e të ndershme. Por vëllezër dhe motra, për të nëntën protestë në 8 javë ju keni vulosur në mënyrë të pakapërcyeshme largimin e Edi Ramës si kusht i panegociueshëm për qeverinë tranzitore që do të çojë vendin drejt zgjedhjeve të lira.
Një betejë e jashtëzakonshme është zhvilluar sot. Ata u munduan ta ndanin këtë protestë ende pa filluar. Nuk ja dolën dot dhe me gjithë sfidën, dhe ne ja arritëm sot në 13 prill të mbajmë protestën më të madhe që ka zhvilluar kombi shqiptar
Qeveria e krimit sot u soll edhe njëherë si pushtus ndaj nënave dhe motrave ndaj protestuesit, u munduan të na ndalonin përmes hedhjes së gazit lotsjellës.
Sot kemi vendosur fundin e Edi Ramës, fundi i Edi Ramës është vendosur nga populli, tik tak tik tak… Ne jemi të vendosur për të vijuar betejën, beteja do të vijoi deri në fund deri në fitore. As hedhja e gazit nuk pati sukses.
Ne nuk heshtëm u çuam, protestuam dhe fituam. Në fitoren e kauzës tonë le të bëhemi gati për çlirimin e shqipërisë nga krimi. Koha e Ramës do të firmoset nën arkivat e zeza.
Çdo sakrificë e opozitës është për të ardhmen tonë, për të ardhmen Evropiane.”
Ende pa u mbyllur mirë protesta ka reaguar dhe kryeministri Rama, i cili thotë se skenat që pa ishin të turpshme.
‘’Nëse kjo ishte protestë e madhe atëherë filxhani është shkencë, Saliu është astronom dhe pakica ështē shumicë! Në fakt kjo s’ishte as e madhe, as e denjë po thjesht e turpshme për pdLSI! Këta humbës të pashërueshëm po rrisin çdo ditë faturën që do u presë Sovran në 30qershor”, shkruan Rama në komunikimin e tij në rrjetet sociale./Faxweb.al
Discussion about this post