Kreu i PD-së Lulzim Basha ka mbajtur fjalën e tij sot në Ditën e Rinisë, ku ishin të pranishëm edhe përfaqësues të së djathtës europiane. Ai u shpreh se të rinjtë vranë frikën dhe morën në dorë fatet e vendit.
“Kam në zemrën time mirënjohjen më të thellë për të gjithë studentët e Dhjetorit, emocioni i dytë që kam sot është ai që dini të falni vetëm ju të rinjtë demokratë.
8 Dhjetori 1990 ishte dita kur triumfoi kurajoja mbi frikën, me studentët dhe liderin e tre Azem Hajdari shqiptarët arritën të rigjenin lirinë, lirinë për jetën dhe lirinë e besimit. Lëvizja e Dhjetorit nisi nga studentët që nuk mund të qëndronin më pa drita, pa ujë dhe të shtypir. Studëntët kërkuan dinjitetin e tyre, nuk mund të ketë dinjitet njerëzor pa liri politike.
Atje ku nuk ka liri dhe konkurrencë dalin në pah injorantët. Ata folën me fjalët e ndaluara, injoranca është arma më e fortë e diktaturave. 8 Dhjetori ishte dita kur shqiptarët u ribashkuan me Europën”, u shpreh Basha.
(E.K/FAXWEB)
