Kreu i PD-së Lulzim Basha në deklaratën e tij dhënë për mediat pas firmosjes së koalicionit për zgjedhjet e ardhshme u shpreh i vendosur se angazhimi kryesor do të jetë mbajtja e zgjedhjeve të lira dhe të pandikuara nga krimi.
”Angazhimi i parë i koalicionit janë zgjedhjet, kurrë më nuk do të pranojmë një proces zgjedhor fals, një qeveri që është vegël e oligarkëve. Angazhohemi që të çojmë para Reformën në Drejtësi, dhe të pakapur nga politika.
Ne jemi të hapur të ndërtojmë bashkëpunim dhe partneritet dhe me grupime të tjera qytetare, për t’i dhënë Shqipërisë zgjedhjet që meriton”, u shpreh Basha.
Teksa u pyet nga gazetarët për deklaratat e Hajdarit që do të hyjë në zgjedhjet lokale Basha u shpreh se nuk mund të ketë opozitë false.
“Gjeneza e të keqes ku ndodhemi janë zgjedhjet fallso, nuk mund të ketë as opozitë fallso”, tha Basha, ndërsa refuzoi që të komentonte vendimin e Patozi për krijimin e Bindjes Demokratike.
(E.K/FAXWEB.AL)
Discussion about this post