Banorët e fshatrave të Fierit kanë dalë sot në protestë para bashkisë përsa iu përket vlerësimve të dëmeve nga përmbytjet. Banorët e Frakullës deklarojnë për “Fax News” se pas përmbytjeve askush nuk iu ka ardhur për të vlerësuar dëmet dhe se ata kanë humbur gjithçka që kishin.
“Po nuk jam vetëm unë por jemi një fshat i tërë. Jemi me sera, me luleshtrydhe. Është hera e dytë që përmbytemi. Deri më tani askush nuk ka ardhur të na vlerësojë dëmet. Pyeti të gjithë asnjë nuk ka ardhur. Të ngrihet Komisioni i Vlerësimit të Dëmeve. Uji është tërhequr totalisht por të vijnë të shikojnë dëmet dhe ç’ka na është dëmtuar. Nuk kemi asgjë. Protesta jonë nuk do ndalet. Ato që kishim na i mori lumi, asgjë nuk kemi më tani. “, shprehet një nga protestuesit para bashkisë.
Duhet të theksojmë që dëmet që iu është bërë nga përmbytjet janë shumë të mëdha. Protestuesit kanë deklaruar se nuk do të tërhiqen nga protesta pa u takuar dhe pa marrë një zgjidhje nga bashkia. (J.V/Faxweb)
