Lumturi Ratkoceri është kryetarja e komanduar e Aleancës Kuqezi, po jo vetëm kaq. Ajo është tashmë edhe më e famshme, për shkak se është vjehrra e moderatores së njohur Floriana Garo.
E ftuar në emisionin e mëngjesit në ‘’Fax News” ajo u shpreh se është shumë e lumtur që së shpejti do të bëhet gjyshe. E ‘ngacmuar’ nga Xhaxhiu për moshën dhe sekretin e pamjes mjaft të kuruar, Ratkoceri nuk u drojt aspak, e pranoi që tashmë i ka 54 vite.
“E kam gjenetike pamjen, nuk jam 40-vjeç po jam 54 dhe nuk e kam fare problem që ta tregoj moshën. Madje shumë shpejt do të bëhem gjyshe dhe jam shumë e lumtur për këtë”, tha Ratkoceri.
Po ashtu kryetarja e Aleancës tregoi se këto kohë kanë qenë mjaft intensive me riorganizimin e bazës dhe se shumë shpejt AK-ja do të kthehet edhe me tubime.
Kujtojmë se moderatorja Floriana Garo është në pritje të një vajze, ndërsa është shpërngulur krah bashkëshortit të saj në Zvicër.
(E.K/FAXWEB)
